知道好多朋友仔都係觀塘返工，今次又比我搵到一間好高質而且環境仲好靚嘅西餐。餐廳佔地都好大，位於興業街The Wave 嘅2樓。成間餐廳都係用綠色做主題，裝修同埋設計都好時尚，環境喺觀塘區絕對係滿分。
餐廳嘅中間仲有一個玻璃酒室，鍾意飲酒嘅朋友仲可以親自揀自己鍾意嘅酒。而且呢度嘅職員服務態度好好，真係唔知以為自己去咗五星級酒店嘅餐廳。
頭盤叫左d黑毛豬火腿，配上新鮮嘅蜜瓜，味道一流，仲encore左兩次添！呢度都有十幾款生蠔比大家選擇，但係餐廳每日有嘅都唔同，職員會推介當日最新鮮嘅俾大家，我就叫左Gillardeau同St Vasst，前面嗰款海水味比較重，以後邊個款比較甜身，兩款嘅生蠔都好大隻好肥美。
海鮮拼盤都好吸引，有八款新鮮嘅海鮮：帶子刺身、牡丹蝦、青口、鮮鮑魚等等，每一款都好新鮮，而且仲會有唔同嘅醬汁比大家選擇。
主食係烤焗澳洲羊架開心果寶雲蘇，羊架肉汁鮮嫩，好有咬口。最特別嘅係配上青豆泥，一般餐廳都係配薯蓉比較多，青豆泥食落口比較清新，而且感覺好健康。另外想推介嘅就係登堂嘅hand made pizza，芝士好濃郁，而且拉絲仲好勁！配料充足，而且烤焗嘅時間配合得啱啱好，比好多連鎖Pizza店都要好食，價錢仲平好多。
呢度仲有唔同嘅房間，一大班朋友包房都得。大家收工過嚟飲吓嘢又得！
登堂 (觀塘)
觀塘興業街4號The Wave2樓
登堂Downtown
#登堂
#downtown
#觀塘
#fusion
#hkfoodie
Search